వార్తావిహంగం

ఒకవైపు:

గుండె గుండెకో కథ

గడప గడపకో వ్యధ

కథలన్నిటినీ కంటి రెప్పల మాటున బంధించి

వ్యధలన్నింటినీ గుండె గోడలపై ముద్రించి

పరువు ప్రతిష్టలే ఆభరణాలుగా గుట్టుగా నావను నడిపే సగటు గృహిణి

రెండో వైపు:

ప్రెషర్ కుక్కర్ సైరన్ మోగిస్తోంది

వాషింగ్ మిషన్ గావుకేక పెడుతోంది

దూరవాణి చెవిలో బహు పసందుగా విందు చేస్తోంది

మాధ్యమాలకు రెక్కలొచ్చి మసాలా విందు చేస్తున్నాయి

బిల్లుల మోతతో గృహస్తు చిందులు తొక్కుతూన్నాడు

అరక్షణంలో వార్త లోహ విహంగమై సముద్రాలు దాటుతోంది

సారాంశం:

ఒకరి గుండెకోత మరొకరికి మృష్టాన్న భోజనం