పరిమళాల తన్మయత్వం

ఏకాంత మనోహరం
ఏమింత సుందర
ఎదలోపలి కారుణ్యం
కలలోపల సంతసం
కావాలంది అదే నిజం

తీరమంతా ఒంటరితనం
పరిమళాల తన్మయత్వం
తరువు తరువు సురభిళం
తనివి తీరని ఊహలలోకం
ఊదారంగుల సాయం సమయం

కనువిందగు వర్ణ సోయగం
వినసొంపగు గానమాధుర్యం
ఎగిరొచ్చిన నవ వసంతం
కలిసొచ్చిన ఋతురాగం
కళానిధుల కవనం

చిత్రకారిణి : సాన్వి
– చిత్ర కవిత
డాక్టర్ కొండపల్లి నీహారిణి
తరుణి సంపాదకురాలు