తరుణి చిత్రం

ఆకాశ హర్మ్యాలు ఆనంద తీరాలు
మనసు ఒక విచిత్ర సరోవరం
మనం వికసిత సరోజాలమైతే చాలు!
నాలుగు వేళ్లు మూడుపూటలు నోటి కంది
ముఖపద్మంపై నవ్వులు వెలసిన
ప్రేమైక జీవులకు
పూరి గుడిసె అద్దాల సౌధం
మనసు వాకిలిలో నిశి రాత్రులు తారాడనప్పుడు
చీకటి ఆమడ దూరం
చిత్రాల కందని హృదయ భావాలు
కష్టజీవి కనపడకున్నా
కళ్ళముందు కనిపిస్తుంది
ఏం త్యాగాల భవనాల అక్కరలేదు
ఈ భువన విజయాలలో
కవితా సౌరవాలంందించిన చాలు
కలిమి తరగని దాన గుణం మనదైతే చాలు!
ప్రేరణ ఒక చిన్న బతుకు కథ అయితే చాలు!!

  – డా|| కొండపల్లి నీహారిణి, తరుణి సంపాదకురాలు