Radhika suri
అపసవ్యపు జీవన యానంతో
గతి తప్పిన బతుకు చిత్రంతో బేజారు
బెదరిన భావితరానికి భరోసాగా
ముఖానికి చిరునవ్వే ఆభరణంగా ఆమె
ప్రశాంత వదనానికి చిరునామాగా అతడు
ఆడంబరమెరుగని ఆత్మ సౌందర్యంతో ఆమె
విలువలెరిగిన నిబద్ధతతో అతడు
జీవన రథ చక్రాలు సజావుగా సాగేలా
స్థిర సారథ్యంలో ఆమె
సమాజపు సమ్మెట పోట్లకు తలవంచని
స్థిత ప్రజ్ఞతతో అతడు
అలుపెరుగని బ్రతుకు ప్రయాణంలో
అలజడులకు సడలని గాంభీర్యంలో వారు
సహజత్వం లోపించని సాహచర్యంలో
శ్రుతి తప్పని సుందర చైతన్యం వారు
అతని మెడలో రత్నమాలిక ఆమె
ఆమె సిగలో మణిభూషణం అతడు
by రాధికా సూరి
Chala bagundhi