vakula vasu
ఆమె మారింది నిజమే
కట్టెలపొయ్యి నుంచి గ్యాస్ స్టౌవ్ కు
బట్టలుతకడం నుంచి వాషింగ్ మిషన్ వరకు
ఆమె మారింది నిజమే
రుబ్బురోలు నుంచి మిక్సి వాడటంకు
నల్లాకు మంచినీళ్ళు పట్టుడు దగ్గరనుండి ప్యూరిఫైర్ నుంచి బాటిల్స్ పట్టి ఫ్రిజ్ లో పెట్టుడు వరకు
ఆమె మారింది నిజమే
పెరట్లో కూరగాయలు తెంపుకొచ్చుడు నుండి స్కూటిమీద రైతుబజార్ కి వెళ్ళడం వరకు
రాతెండి గిన్నెల్లో కూరలు వండుడు నుండి ప్రెస్టీజ్ పాత్రల వాడకం వరకు
ఆమె మారింది నిజమే
మగవారితో సమానంగా చదువుల్లో పోటీపడి ఉద్యోగాలు సంపాదించి
జీతం ఎంతొస్తదో నెలకోసారి మెసేజ్ లో చూసుకొని కొన్ని క్షణాలు సంబరపడేవరకు…
ఆ తరువాత ఇంటి లోనని కార్ లోననీ పిల్లల స్టడీ లోననీ
అన్నీ ఆడవారిపేరుమీద తీస్తే వడ్డీరేటు తక్కువ చేసి ఇచ్చే
ప్రభుత్వ బ్యాంకుల నుండి భర్త వరకు తాను కోల్పోయిన ఆర్థిక సాధికారత కు కుములుతూ
తనకు తానే అంతా నాకుటుంబం కోసమే కదా అనుకుని సంభాళించుకుంటూ
మారని విధిరాతపై కొత్తగా
మారిన అనుకునే ఆమె మారింది నిజమే కదా…
వకుళ వాసు
హన్మకొండ
998919833
అవును చాలా మారింది ఆమె…. చాలా బాగుంది వకుళ గారు 👌👌👌👌🙂🙏👍