” లాయర్ సలహాలు” (కాలమ్)

భర్త ఆకస్మాత్తు గా చనిపోతే భార్య తనకు వొచ్చే పెన్షను గురించి ఎలా తెలుసుకోవాలి?,ఎవరిని సంప్రదించాలి?, ఎక్కడ దరఖాస్తు చేయాలి? లాంటి ముఖ్యమైన విషయాలు ఇప్పుడు మీకు తెలియచేస్తున్నాను.

1.మొదటగా పెన్షన్ ఏ రకానికి చెందినదో తెలుసుకోవాలి.
కుటంబ పెన్షన్: ఒకవేళ భర్త ప్రభుత్వ ఉద్యోగి అయివుంటే లేదా ఇప్పటికే పెన్షన్ పొందుతు పెన్షన్‌ కోసం అర్హత ఉండవచ్చు.
ఎంప్లాయీ ప్రావిడెంట్ ఫండ్ (EPF) పెన్షన్: భర్త ప్రైవేటు రంగంలో ఉద్యోగి అయితే మరియు EPF కి అందిస్తున్నదయితే, ఎంప్లాయీ పెన్షన్ స్కీమ్ (EPS) కింద భార్యకు పెన్షన్ కోసం అర్హత ఉంటుంది.
రాష్ట్ర ప్రభుత్వ ప్రత్యేక పెన్షన్ స్కీమ్స్: అనేక రాష్ట్ర ప్రభుత్వాలు వితంతు పెన్షన్ స్కీమ్స్ అందిస్తాయి. ఇవి రాష్ట్రానికొకటి వేరుగా ఉంటాయి.
2.తర్వాత పెన్షన్ కి అప్లై చేయడానికి అవసరమైన ఈ కింద పేర్కొన్న పత్రాలను సిద్ధంగా ఉంచుకోవాలి, ఒకవేళ తన దగ్గర లేకపోతే వాటిని సేకరించాలి.
1. భర్త మరణ ధ్రువీకర్రణ పత్రం( డెత్ సర్టిఫికెట్)
2. వివాహ పత్రం( మ్యారేజ్ సర్టిఫికేట్)
3. భర్త పెన్షన్ లేదా ఉద్యోగ వివరాలు (పెన్షన్ పేమెంట్ ఆర్డర్, సర్వీస్ రికార్డ్స్, మొదలైనవి).
4. భార్య యొక్క గుర్తింపు మరియు చిరునామా పత్రాలు (ఆధార్, ఓటర్ ఐడి, మొదలైనవి).
5. భార్య బ్యాంక్ అకౌంట్ వివరాలు (పెన్షన్ డిపాజిట్ కోసం).
పైన పేర్కొన్న పత్రాలు సిద్ధంగా ఉంచుకొని దరఖాస్తు సబ్మిట్ చేయాలి•
ప్రభుత్వ కుటుంబ పెన్షన్ కోసం అయితే సంబంధిత ప్రభుత్వ విభాగం(భర్త పనిచేసిన స్థలం) ను సంప్రదించాలి. కుటుంబ పెన్షన్ దరఖాస్తు పత్రాన్ని (అప్లికేషన్ ఫార్మ్) నింపాలి.కావలసిన పత్రాలను జత చేసి దరఖాస్తును సంబంధిత కార్యాలయానికి సమర్పించాలి.
EPF పెన్షన్ కోసం అయితే ఎంప్లాయీ ప్రావిడెంట్ ఫండ్ ఆర్గనైజేషన్ (EPFO) వెబ్‌సైట్ లేదా రీజనల్ కార్యాలయాన్ని సంప్రదించాలి.వితంతు పెన్షన్ స్కీమ్ ఫారం 10D నింపాలి.ఆన్‌లైన్ లేదా ఆఫ్‌లైన్‌లో ఫారాన్ని మరియు అవసరమైన పత్రాలతో జతచేసి సబ్మిట్ చేయాలి.
రాష్ట్ర వితంతు పెన్షన్ స్కీమ్స్ కోసం అయితే రాష్ట్ర సాంఘిక సంక్షేమ విభాగం వెబ్‌సైట్ లేదా స్థానిక ప్రభుత్వ కార్యాలయాన్ని సంప్రదించాలి.వితంతు పెన్షన్ స్కీమ్ కోసం దరఖాస్తు పత్రం నింపాలి.అవసరమైన పత్రాలను జతచేసి సబ్మిట్ చేయాలి.
3.దరఖాస్తు చేసుకున్న తర్వాత సంబంధిత కార్యాలయం ద్వారా అప్డేట్స్ కోసం ఫాలో అప్ చేయాలి.చాలా ప్రభుత్వ వెబ్‌సైట్లు పెన్షన్ అప్లికేషన్ ట్రాకింగ్ కోసం ఆప్షన్స్ అందిస్తున్నాయి.
చాలా ప్రభుత్వ కార్యాలయాలు కూడా దరఖాస్తుదారులకు సహాయం చేయడానికి మార్గదర్శకాన్ని అందిస్తాయి. ఒకవేళ పెన్షన్ పొందడంలో ఏదైనా సమస్యలు లేదా వివాదాలు ఉంటే, లాయర్ లేదా లీగల్ ఎయిడ్ ను సంప్రదించడమే మంచిది.