Yalamarti ChandraKala
అమ్మవడి స్వర్గమే
ప్రేమిస్తు ఉండాలి
నీజన్మ దాతనే
పూజిస్తు ఉండాలి
ఒకస్త్రీ నీవనీ
క్షణమైన మరువకే
లోకమే చెడిపోయె
గమనిస్తు ఉండాలి
ఒంటరిగ నువ్వెపుడు
రెప్పయిన వెయ్యకే
చదువులే చదివినా
పరికిస్తు ఉండాలి
మృగాలే మనుషులుగ
తిరిగేస్తు వున్నాయి
చెడుచూపు పడకుండ
విదిలిస్తు ఉండాలి
మనసార నువ్వెపుడు
ఆదమరచి నవ్వకే
కళ్ళలో కాంక్షనే
పట్టే స్తు ఉండాలి
కాలనాగులేవో
నీవెనకె తిరిగేను
నాగినివై పడగెత్తి
కాటేస్తు ఉండాలి
ఏక్షణం యేమనసు
విషంగా మారునో
నీడనైన ఎప్పుడూ
ప్రశ్నిస్తు ఉండాలి
యేపుర్రె బుద్దిలో
యేపురుగు దాగెనో
కాళికగ నీవెపుడు
ఖండిస్తు ఉండాలి
చందురుడు నీకొరకు
సాక్షిగా రాడులే
అంతటా తెలివిగా
అడుగేస్తు ఉండాలి
–//–
నేడు స్త్రీలపై అడుగడుగునా జరుగుతున్న అన్యాయాలు, అఘాయిత్యాలు చూసి బాధా తప్త హృదయంతో నా కలం వ్రాసిన గజల్. స్త్రీ ఎలా ఉండాలి. ఎలా చుట్టూ వున్న పరిస్థితులు అంచనా వెయ్యాలి. అనే అంశాలతో వ్రాసాను.
