Yalamarti ChandraKala
వేణువేల వినిపింతువు కమ్మగాను కన్నయ్యా
వేలపేర్ల పిలిచేముర వింతగాను కన్నయ్యా
మాధవయని మధురముగా తలవగనే పలికేవులె
చింతలన్ని మరపింతువు చక్కగాను కన్నయ్యా
నళినాక్షా నీవేరక్ష చిరునవ్వుల మత్తు తోను
మోహమేల పెంచేవుర మాయగాను కన్నయ్యా
యదునందన అందముగా రాసలీల ఆడినావు
అలసితివా నిదురించర పాపగాను కన్నయ్యా
గోపాలా గోపికలే నీకొరకే వేచినారు
రాధకొరకు వచ్చితివా ప్రేమగాను కన్నయ్యా
బృందావన మధుసూధన నీలీలలు అపురూపము
చంద్రునిలా కరుణచూపు చల్లగాను కన్నయ్యా
