ఓ తరుణి…….. ఓ మగువ….. కావు….. శిలవు

అలరించడంలో

అదిరించేటప్పుడు దుర్గవు,

బెదిరించడంలో చండివి,

మురిపించడంలో బాలవు,

కొసరి కొసరి తినిపించడంలో అన్నపూర్ణవు,

జ్ఞానమిచ్చుటలో చదువుల తల్లివి,

నీతిని బోధించడంలో గురువు,

కరుణ చూపించడంలో విశాలాక్షివి ,

కోశాధికారిగా మా ఇంట గృహలక్ష్మి ,

శృంగారం చూపించడంలో భర్తకు రతీ దేవి,

పునఃసృష్టికి  బ్రహ్మకు సరిసాటి,

భర్తలో సగభాగాన్ని ఆక్రమించిన అర్ధనారీశ్వరివి,

ఎన్ని కళలనైనా అవలోకగా చూపించే విశ్వరూపిణివి,

ఇల్లాలుగా ఇంటికి మహారాణివి మహారాజ్ఞవి….

జగతికి మూలమైన జగతీకందవు  నీవు….

నీకు నీవే సాటి.. ఓ మగువా ……. ఓటమి లేని ముదితా ….

నీవు లేని చోటు లేదు….  నిన్ను తలవని రోజు లేదు…

నిన్ను తలవని….పిలవని….ఇల్లు లేదు….

అంతా బ్రహ్మమయం అన్నట్లు….. అంతటా నీ ఉనికిమయం….

అందుకో ఇవే మా జోహార్లు…