ఉల్లాసం

అరవిరిసిన అందం
పురివిప్పిన ఆనందం
ఊహా నాట్య మయూరం
ఆమె రస హృదయం

వన విహార భ్రమరం
పూబాలల పరీమళం
ఎద కోరని ఏకాంతం
గిలిగింతల సమీరం

విరి తేనెలా ఓ ధరహాసం
చెలిమి చిరునామా కోసం
వెతికే ద్వయ నయనం
ప్రియమారగ ఉల్లాసం

తెలివి తేజస్వంతం
తెగువ ఆమె స్వంతం
ఓరిమి ఈ విన్యాసం
కూరిమి ఈ వికసనం

ప్రేమ ఇచ్చెను కుటుంబం
చదువు తెచ్చెను సంస్కారం
సదాచారమే ఆమె ధైర్యం
సద్బుద్ధి ఆమె చైతన్యం

అష్ట విధ నాయక సలక్షణం
సంగీత సాహిత్య సమ్మేళనం
సకల కళా సమన్వితం
సమభావ సౌందర్యమయం

– చిత్రకవిత డాక్టర్ కొండపల్లి నీహారిణి తరుణి సంపాదకురాలు