Y.Sujatha Prasad
రూపు కట్టిన
కొంచెం భావాల గింజలను
అక్షర నాట్లుగా మలిచి
దుమ్ము పట్టిన కాగితంపై
నాటుతున్నాను!
ఎక్కడికి వెళుతున్నావంటే?
ఏమని చెప్పను?
విశాఖ సముద్ర తీరంలో
తరంగాల సోయగాలను
కలం గుండెలో నింపి
కవితా శిల్పం కోసం
వెతుకుతున్నాను!
ఎక్కడున్నావంటే
ఏమని చెప్పను?
జ్ఞాన చక్షువుల గుమ్మం దగ్గర
కవి సమయం ఎగిరిపోకుండా
కలం రెక్కలు అడ్డుపెట్టి
తిష్ఠవేసి కూర్చున్నాను!
ఎలా వున్నావంటే
ఏమని చెప్పను?
హృదయం గుప్పెట్లో
మూసివున్న ఆత్మకథ పేజీలను
రోజుకొకటి చొప్పున
ఆత్రంగా చదువుతున్నాను!
ఇంతే నేను చేసిది.
. . . . .
