అనంత విశ్వ అద్భుతం

తొలిజాము కిరణాలు నవ్వుతాయి
నింగి నేల చూపుల గాలానికి చిక్కి
చక్కని బతుకు చిత్రాన్ని
మనసు పలికే మౌన గీతం చేస్తుంది
ఒక్క చల్లని మాట చాలు
ఇది చుక్కాని లేని పయనం కాదంటుంది
కన్నులకాంతి నిన్నటిదీ రేపటిదీ అవుతుంది

ఒక పొదరిల్లు ఒక భావ ప్రకటన
భూమి మీద పచ్చదనాన్ని చూస్తూ
నీటిలో మబ్బులు నడుస్తాయి
ఈ అందాలన్నీ పిల్లా పాపల
ఇంటింటి చందం
సెలయేటి గలగలలు
జలచరాల పరుగు పందాలు
ఈ ఊహాగానాలు
ఈ భావం మధురిమలు
హృదయ చైతన్య వికాసాలు

చిత్ర కవిత డాక్టర్ కొండపల్లి నీహారిణి
తరుణి సంపాదకురాలు