పిట్టె ముట్టుడు

…మస్తు సేపయ్యింది … యెంత సూశ్నా ఒక్క పిట్టె కానొస్తొట్టు … యెండకు ఓపక,ఆగులమడ్ల యాపశెట్టు కింద కూసున్నరందరు….
అందర్ది ఒకటే… ఇంగ పిట్టెప్పుడొస్తదో….. పిట్టె ముట్టంగనే జెల్ది తానం జెస్కొని,గింత మ్యాక బొక్కలు కంకి యెవళింటికి ఆల్వోవాలని జూస్తుండ్రు….
” యే ఒక్కనాడు గీ యింటికాడనే ఉండకవోతిది… గట్ల గానాడే ఉన్నా…పిలగాడూ మంచిగుండు… అది మాతోని మంచిగనే ఉంటుండే… సాగనియ్యకపాయె ఆల్ల అయ్య… మల్లచ్చి యీడ యేండ్లు గూడ గాకపాయె…
గా పొద్దు దావకాన్ల వన్నప్ప్పుడు గూడ సెప్పక పాయె… ఇద్దరం యారండ్లం
శేస్కోలెమా…గట్లనే ఉంటుట్టిమేమో…
మాకు మా పోరన్ని గానియ్య లె… దాని బతుకు నడ్మంత్రమే జేశే…, గా పొద్దు మా మరిదీ… గియ్యాల్ల మా శెల్లె.., గీ యాళ్ళ పొద్దుగల్ల కాలంజేశిరి…!!!
……అనాలోషణ జేస్తాంది…యారాలు…
గప్పుడే గా పిట్టె రాగేట్ల కాడికెంచోచ్చుకుంట…., “మావొళ్ళందరోచ్చినట్టుండ్రు…. మావొల్లె…!! గా కుంకుమ కలరంగి ఏస్కున్నైన మాయన్ననే… మా ఒదినె గూడచ్చింది , గా నల్ల కలరు శీర కట్టుకున్నామే మా శెల్లెనే…,
అందరోచ్చిండ్రు…
పచ్చాకుల ఏమో వెట్టిండ్రు…… “బగారన్నం, ముక్కల కూరా, పూరీలు,బజ్జీలూ, ఆమ్లెటు, కల్లు, బాగనే దెచ్చిండ్రు గా…., పాణమున్నప్పుడు ఎట్లున్నవనడ్గిన దిక్కు లేకపాయె… కిందమీదున్నప్పుడు గూడ యెవ్వర్గింత సూడకపాయె, పట్టేడు బువ్వ సక్కగ వెట్టలే…, ఎన్నడు దిన్న మూడు మెత్కులో యాది లేదు…, గిప్పుడు గిన్ని ఎరైటీలు ఏంటికి దెచ్చిండ్రో… ఏమో ముచ్ఛట వెడ్తుర్రు.. నా సుద్దులే తీస్తుర్రు… ఒంటిగున్నప్పడు ఈ చెల్లె యాదిరాలే… పోరన్ని ఆగం జేషివొయింది అంటుర్రు… ఫించను పైసలు రాంగనే అస్తుండే చేతులవడ్డయా మల్ల పున్నమెల్లి అమాసకస్తుండే… ఆడు ఒంటోడైతడంటుండ్రు నేనున్నా లేకున్నా యేం బోయిందాన్కీ…. జేబుల నాలుగు పైసలు తక్వైతయి గంతె… గట్ల వెంచిడ్రాన్ని..!
గా పొద్దు పుస్తె కట్టినోడు తొలుసుూరి కాన్పు కాంగనే పోరన్ని సుత సూడకుంటవాయే… గప్పట్సంది అవ్వగారింటి కాడనే ఉంటి ఎం జేశిండ్రు…. ఉన్న పుస్తె,కమ్మల కోసాన్కీ శిన్న గొట్టలే… గప్పుడే గా నూనె వొస్కొన్నప్పుడన్న పాణం బొయ్నా ఒడ్షిపోవు… పోరన్ని దారం ఇడ్షిణ పతంగోలె జేశిండ్రు…
నా మాటస్సలు కానడాయే , నన్నెర్గింది లేదాయె…,
గీ పొద్దు… నా బిడ్డ.. నా శెల్లే అంట ఏడుస్తాండ్రు…!!
పోయినసందొచ్చిన యాల్ల , జెంత సుస్తుంటుందయ్యా… పాణం మంచిగుంటలే బిడ్డా అన్జెప్పిన.., మల్లొచ్చినప్పట్కి సూపిస్తనే అన్నడు ….ఆకిరి సూపు సూస్తడన్కోలేడు…!!!
గాసందే. .. ఆకలి సచ్చిపొయింది , సూశీ… సూశీ….. ఉన్న జీవ్వొయింది…గిప్పుడు మల్ల నా సుద్దులన్నేమిట్కి దీస్తుండ్రు…. గింత మంచిగ ఎందుకొండిపెట్టిండ్రు…??!
ఓ ….అవు గదా…,నేను పాణం తోటి లేకపోతి…అందుకేనా గింత పేమ జేస్తూండ్రు… గందుకేనా సుట్టం సూపూకచ్చిండ్రు… మస్తు దూరం కెంచి అచ్చిండ్రు…., నడింట్ల దీపం బాయ్యేదాక ఓలకు కానరాలే…కన్నపేగు గ్గూడెర్కలే…. ఉన్నపుడు గాదు లేనప్పుడు మనిషికి ఇలువ నా….???!..
గీ పొద్దు మెతుకులు మింగుడు వోతలె… నేనల్ల…,
అన్ని అంబటాల్లనె గాల్ల కల్పి పోయ్నయి…!!!
అన్కుంట… ఓచ్చిన గా పిట్టె గూడా మళ్ళా ఎన్కకే ఎగిరిపోయింది….!!! ‌