Grace Veronica Bayyarapu
తెల తెల వారే వేకువొక
జీవనరాగ సుందర దృశ్యం
తూరుపు వేదికపై
కొత్త కిరణాల వెలుగులు
లేలేత ఊదారంగు నింగి
కొలను నీటి ప్రతిబింబాల
నీలి కొండల వరసలు
మేలుకొలుపు పిలుపుల
కుక్కుటం
కొక్కొరక్కో కంఠమెత్తుతూ
నేను లేపకుంటే లోకమేమైపోవునో అనే
సంశయం
సంధి కాలపు సంగతెరుగని
సమాజానికి
తానో బాధ్యత తీసుకున్న
పక్షి
ఎన్నో రంగులు తనవి చేసుకొని!
గుండె కిటికీ తెరవాలిక!
చిత్ర కవిత – డాక్టర్ కొండపల్లి నీహారిణి
తరుణి సంపాదకురాలు
శీర్షిక ప్రారంభం నుంచీ తరుణి చిత్రకవితలను చితరదృశ్య సమన్వయంగా పరిశీలిస్తూనే ఉన్నాను. వచనకవితాశిల్పం తెలిసిన కవయిత్రి డాక్టర్ కొండపల్లి నీహారిణి మేడమ్ గారు.
ఈ కవిత నిర్మాణంశిల్పం నాకు ఎంతో ఆశ్చర్యం కలిగించింది. నాదొక్కటే వాక్యం చెప్తాను… ప్రత్యక్షర సంపూర్ణసమన్వయ కవిత ఇది. మరొక్క వాక్యం + ముగింపు వాక్యం అద్భుతః.